Menning og Mannlíf

• Bókasöfn
• Töðugjöld
• Fréttir
• Tilkynningar
• Veðurklúbburinn
• Vefir
• Eldri borgarar
• Annað

28.8.2011 18:21

Dulúð og draumar í Selinu á Stokkalæk

Dulúð og draumar í Selinu á Stokkalæk

Sunnudaginn 4. september kl. 16 halda þær Ásta María Kjartansdóttir sellóleikari, Ingileif Bryndís Þórsdóttir píanóleikari og Lilja Guðmundsdóttir sópransöngkona tónleika í Selinu á Stokkalæk. Þær eru allar í tónlistarnámi erlendis. Lilja og Ásta eru einu íslensku nemendurnir í Konservatorium Wien í Austurríki og Ingileif stundar píanónám í Freiburg í Þýskalandi. Þær stöllur fóru á stúfana og leituðu að verkum fyrir sópran, selló og slaghörpu og fundu verk úr ólíkum áttum sem öll hafa sameiginlegan þráð, ýmist dulúðugan, draumkenndan eða andlegan. Á efnisskránni er meðal annars ljóðaflokkur eftir Samuel Osborne Barber, Vocalise eftir Sergei Rachmaninoff, Valses nobles et sentimentales eftir Maurice Ravel og frumflutningur á verki eftir Sveinbjörn Sveinbjörnsson fyrir selló, píanó og rödd en áður hefur það aðeins heyrst fyrir annaðhvort rödd eða selló við píanóleik.

Að tónleikunum loknum verður boðið upp á veitingar. Miðaverð er kr. 1.500 og miðapantanir í síma 4875512 og 8645870.