Stjórnsýsla
26.8.2010 22:35
13. fundur Samgöngunefndar
13. fundur samgöngunefndar Rangárþings ytra
haldinn að Hellu 6. október 2009 kl. 8:30.
Fundargerð:
Fundinn sáttu Engilbert Olgeirsson, Sigurbjartur Pálsson, Þröstur Guðnason og Örn Þórðarson. Auk þess voru fjallskilanefndir Landmannaafréttar og Rangárvallaafréttar með í umræðum í tveimur fyrstu dagskrárliðum.
Dagskrá:
1. Vegslóðar á Landmannaafrétti og Rangárvallaafrétti
Farið var yfir kort þar sem búið var að merkja inn alla vegslóða á afréttunum og þeim verið skipt upp sem opnir eða vegir með takmarkaða notkun. Gerðar voru smávægilegar breytingar á þessu.
2. Fjallabaksleið nyrðri
Hugmyndir um breytingu á legu vegar við Frostastaðaháls.
Rætt var um breytingu á vegstæði við Frostastaðaháls. Fjallskilanefnd Landmannaafréttar er andvíg og mælir með gamla vegstæðinu.
3. Styrkvegaframkvæmdir í ár
3.1 Greint frá þeim verkefnum sem unnið hefur verið að í ár. Búið er að laga vegi inn á Rangávallaafrétti, verið er að laga Heklubraut.
3.2 Níu aðilar buðu í framkvæmdir á Réttarnesvegi. Farið verður í verkið í nóvember.
Vegur að Þjófafossi verður líka lagaður í haust.
4. Vegur frá Háfi að Sandhólaferju
Þennan veg verður eitthvað að laga en hann er 7 km. langur. Hægt að taka efni á sitt hvorum enda, einnig var rætt um að laga þyrfti kafla í Ástarbraut.
5. Héraðsvegir
Vegagerðinni hefur verið sendur listi yfir heimreiðir sem helst er þörf á að lagfæra og/eða hefla samkvæmt ábendingum sem borist hafa frá póstbílstjórum.
6. Önnur mál.
6.1 Rætt um ónógan frágang á vegköntum og heflun á nýlögðum ofaníburði á Árbæjarvegi.
6.2 Örn nefndi hugsanlega breytingu á legu vegar við Lyngás.
Fundi slitið kl. 10:40.
Þröstur Guðnason, fundarritari.
Til baka
© 2003 - 2008 Rangárþing ytra - Suðurlandsvegi 1 - 850 Hella - kt. 520602-3050 - Sími 488 7000 Fax 488 7001
