Stjórnsýsla

• Upplýsingakerfi
• Fundargerðir
• Sveitarstjórn
• Starfsmenn
• Nefndir
• Skrifstofa
• Jafnréttisáætlun
• Starfsmannastefna
• Samstarfsaðilar
• Gjaldskrár
• Eyðublöð
• Álagning

1.3.2010 09:32

25. fundur skipulagsnefndar

25. fundur í skipulagsnefnd Rangárþings bs.

mánudaginn 1. mars 2010, kl. 10.00, að Ormsvelli 1, Hvolsvelli.

Fundargerð

 Mætt á fundinn : Eydís Indriðadóttir, oddviti Ásahrepps, Ólafur Eggertsson, oddviti  Rangárþings eystra og Þorgils Torfi Jónsson, oddviti Rangárþings ytra og Rúnar Guðmundsson skipulagsfulltrúi, sem ritaði fundargerð.

Efnisyfirlit:

114 2010 Emstrur deiliskipulag skálasvæðis í Rangárþingi eystra

128 2010 Hrafntinnusker skálasvæðis matslýsing, Rangárþing ytra

129 2010 Deiliskipulag Hótel Rangá, Rangárþingi ytra

130 2010 Deiliskipulag við Árhús á Hellu, Rangárþingi ytra

131 2010 Matslýsing vegna skálasvæðis við Hvanngil, Rangárþingi ytra

114 2010 Emstrur, deiliskipulag skálasvæðis í Rangárþingi eystra

Deiliskipulagssvæðið er um 1,3 ha að stærð og nær til núverandi bygginga og tjaldssvæðis. Skálarnir eru staðsettir í nokkuð brattri sandöldu sem hallar mót suðaustri. Tjaldsvæðið er ofan í grónu gildragi rétt austan skálanna. Í deiliskipulagstillögunni er gert ráð fyrir að gistiskálar geti verið 3 og að skálavarðarhús og salernishús geti stækkað til að anna þeim ferðamannafjölda sem leið á um svæðið. Megin tilgangur deiliskipulagsins er að skilgreina lóðir og byggingarreiti utan um það sem fyrir er og tryggja að unnt sé að byggja við og stækka skála og salernisaðstöðu eftir því sem ferðamannaþunginn á svæðinu eykst..

Skipulagsnefnd samþykkir deiliskipulagstillöguna, með fyrirvara um að tekið verði tillit til athugasemda Skipulagsstofnunar ef einhverjar verða, vegna matslýsingar.

128 2010 Hrafntinnusker, matslýsing vegna fyrirhugaðs deiliskipulags skálasvæðis, í Rangárþingi ytra.

Lögð er fram matslýsing, vegna umhverfismats á tillögu að deiliskipulagi skálasvæðis í Hrafntinnuskeri, Rangárþingi ytra.

Skálasvæðið við Hrafntinnusker er innan svæðis miðhálendisins og fellur það undir lög um mat á umhverfisáhrifum áætlana skv. lögum nr. 105/2006. Svæðið fellur undir þjóðlendur sbr. úrskurð óbyggðanefndar og 2. gr.laga nr. 58/1998 um þjóðlendur og er því á forræði forsætisráðuneytisins. Ferðafélag Íslands (FÍ) hefur um árabil haft aðstöðu við Hrafntinnusker og byggt upp gistiskála þar, Höskuldsskála. Nýlega var byggt við skálann og bætt við kömrum  sem eru áfastir skálanum. Áform eru um að byggja skálavarðarhús á svæðinu.

Deiliskipulagssvæðið er um 1ha að stærð og nær til skála og tjaldsvæðis. Skálinn er í nokkuð brattri hlíð sem hallar mót suðri. Núverandi skáli var byggður 1977 og nefnist hann Höskuldarskáli. Árið 2007 var byggt við hann og stækkuð gistiaðstaða og salerni. Á tjaldsvæðinu, sem er suðaustan og neðan við skála er einn útikamar, en fleiri kamrar eru í nýbyggingu við skálann. Tjaldsvæðinu er komið fyrir á berangri og er það á hrjóstrugum grjót- og sandmel.

Megin tilgangur deiliskipulagsins er að skilgreina lóðir og byggingarreiti utan um þau mannvirki sem fyrir eru og tryggja að unnt sé að byggja við og stækka skála og salernisaðstöðu eftir því sem ferðamannaþunginn á svæðinu eykst. Í deiliskipulagstillögunni er gert ráð fyrir að hægt verði að bæta við nýju skálavarðahúsi.

Skipulagsnefnd samþykkir matslýsingu skálasvæðis í Hrafntinnuskeri, og mælist til að hún verði send til Skipulagsstofnunar til umsagnar.

129 2010 Deiliskipulag Hótels Rangár í Rangárþingi ytra

Deiliskipulagið nær til um 20 ha spildu úr landi Hótels Rangár, en land hótelsins (landnr. 187218) er í heild um 35 ha.  Aðkoma að svæðinu er af Suðurlandsvegi austan Hellu og um aðkomuveg að Hótel Rangá.

Deiliskipulagið tekur til byggingarreits fyrir stækkun hótelsins og byggingarreits fyrir starfsmannahús á austurhluta landsins. Deiliskipulagið er í samræmi við gildandi aðalskipulag Rangárvallahrepps 2010-2022.

Skipulagsnefnd samþykkir deiliskipulagstillöguna og mælist til að hún verði auglýst, samkvæmt lögum.

130 2010 Deiliskipulag verslunar- og þjónustulóðar Árhús á Hellu,

Rangárþingi ytra

Deiliskipulagið nær til verslunar- og þjónustulóðar Árhúss á Hellu. Deiliskipulagsvæðið er tæplega 4 ha og tekur til byggingar á smáhýsum og snyrtihúsi.  Deiliskipulagið er í samræmi við aðalskipulag Rangárþings ytra 2010-2022.

Skipulagsnefnd samþykkir deiliskipulagstillöguna og mælist til að hún verði auglýst, samkvæmt lögum.

131 2010 Matslýsing vegna skálasvæðis við Hvanngil, Rangárþingi ytra

Lögð er fram matslýsing, vegna umhverfismats á tillögu að deiliskipulagi skálasvæðis í Hvanngil í Rangárþingi ytra.

Unnið er að gerð deiliskipulags fyrir skálasvæði í Hvanngili. Skálasvæðið er eitt af nokkrum skálasvæðum sem liggja á leiðinni milli Landmannalauga og Þórsmerkur og er unnið að gerð deiliskipulags á þeim öllum. Þessi skálasvæði eru Hrafntinnusker, Álftavatn og Efri-Botnar í Emstrum. Skipulagið er á vegum Ferðafélags Íslands og unnið í náinni samvinnu við Rangárþing ytra.

Skálasvæðið við Hvanngil er innan svæðis miðhálendisins og fellur það undir lög um mat á umhverfisáhrifum áætlana nr. 105/2006. Svæðið fellur undir þjóðlendur sbr. úrskurðóbyggðanefndar og 2. gr. laga nr. 58/1998 um þjóðlendur og er landið því á forræði forsætisráðuneytisins. Í þessari matslýsingu er gerð grein fyrir því hvernig fyrirhugað er að vinna að umhverfismati skipulagsáætlunar fyrir Hvanngil. Ferðafélag Íslands (FÍ) hefur um árabil haft aðstöðu á skálasvæðinu og byggt upp gistiskála, skálavarðahús, salernishús auk hesthúss. Þar er einnig aðstaða fyrir hópa í hestaferðum, með hestagerði.

Deiliskipulagið nær til tveggja svæða og samanlögð stærð þeirra er um 2ha. Ferðafélagið festi kaup á skálunum í Hvanngili árið 2002 og núv. byggingar eru 1 skáli byggður 1994, 1 hesthús með gistiaðstöðu byggt 1963, 1 skálavarðarhús byggt 1993 og 1 salernishús byggt 1996. Tvö tjaldsvæði eru á svæðinu. Í deiliskipulagstillögunni er ekki verið að leggja til mikla uppbyggingu á svæðinu umfram það sem nú er heldur er stefnt að því að skilgreina lóðir og byggingarreiti utan um það sem fyrir er og tryggja að unnt sé að byggja við nauðsynlega stækkun skála og salernisaðstöðu eftir því sem ferðamannaþunginn á svæðinu eykst á

komandi árum. Engar stórfelldar breytingar verða á svæðinu né eðli starfseminnar sem þar hefur verið.

Skipulagsnefnd samþykkir matslýsingu skálasvæðis í Hvanngili, og mælist til að hún verði send til Skipulagsstofnunar til umsagnar.

Fleira ekki gert og fundi slitið kl: 12.00

____________________________               _____________________________

Eydís Indriðadóttir                                          Rúnar Guðmundsson

oddviti Ásahrepps                                          

____________________________              

Ólafur Eggertsson                                                    

oddviti Rangárþings eystra

____________________________

Þorgils Torfi Jónsson

oddviti Rangárþings ytra