Stjórnsýsla

• Fundargerðir
• Sveitarstjórn
• Starfsmenn
• Nefndir
• Skrifstofa
• Jafnréttisáætlun
• Starfsmannastefna
• Samstarfsaðilar
• Gjaldskrár
• Eyðublöð

28.1.2010 11:31

31. fundur íþrótta- og tómstundanefndar

31. fundur íþrótta- og tómstundanefndar Rangárþings ytra kjörtímabilið 2006 - 2010, haldinn að Suðurlandsvegi 1 á Hellu, mánudaginn 14.desember 2009, kl. 20:00.

Mætt: Helga Fjóla Guðnadóttir  formaður, Snæbjört Ýrr Einarsdóttir, Lovísa Björk Sigurðardóttir, Anna Björg Stefánsdóttir og Guðmundur Jónasson. F undinn sat einnig , Jón Pétur Róbertsson Íþrótta- og tómstundafulltrúi sem ritaði fundargerð..

Formaður bauð fundarmenn velkomna og gengið var til dagskrár.

1. Samfella 2010

Þórhallur Svavarsson forstöðumaður íþróttamiðstöðvarinnar mætti og sat fyrir svörum um samfellu skóla- og íþróttastarfs. Rætt um að bæta gæslu í klefum vegna aukinnar umferðar í íþróttamiðstöð af börnum og unglingum. Einnig rætt um að þjálfarar taki meiri ábyrgð fyrir og eftir æfingu í samfellunni. Fundur verður með þjálfurum og starfsfólki íþróttamiðstöðvar verður settur á fyrir næstu önn í samfellu. En einnig kom fram  að búningsaðstaðan er ófullnægjandi og óviðunandi ástand er að skapast eins og staðan er í dag. Það þarf að bregðast við því sem fyrst.

2. Símenntun starfsmanns nefndarinnar

Formaður las  lýsingu á námskeiði Jóns Péturs vegna símenntunar hans í Ráðgjafaskóla Íslands. Nefndin styður þessa umsókn í ljósi þess að efla þurfi forvarnir í Rangárþingi og allar rannsóknir sýni hversu mikilvægt er með virka forvörn í framtíðinni.

3. Forvarnir í Rangárþingi ytra

Nefndin felur Jóni Pétri að koma á forvarnarfundum í sveitarfélaginu.

4. Val á íþróttamanni ársins 2009

Jóni Pétri falið að vinna að verkefninu áfram samkvæmt samþykktum reglum um val á íþróttamanni ársins.

5. Ráðning á starfsfólki í félagsmiðstöðina Hellirinn

Nefndin tekur undir þau sem Jón Pétur mælir með, Árna Björn Árnason og Ína Karen Markúsdóttir.

6. Tilraunaverkefni í samfellu milli Rangárþings ytra og eystra

Guðmundur Jónasson formaður UMF.Hekla kynnti mögulegt samstarf milli sveitarfélaganna í Rangárþingi með samfellu í skóla- og íþróttastarfi. Nefndin tekur mjög jákvætt í þetta verkefni og felur Jóni Pétri að vinna þetta verkefni nánar í samstarfi við formann UMF.Heklu.

7. Til kynningar

4.1. 2.fundur Ungmennaráðs

4.2. Samþykktar tillögur frá sambandsþingi UMFÍ

4.3. Ósk um samstarf frá Worldwidefriends

Næsti fundur er miðvikudaginn  27.janúar 2010  kl.17:00.

Fleira ekki gert og fundi slitið kl. 22:00