Menning og Mannlíf
13.9.2009 15:18
Ferð um Friðland að Fjallabaki
Stýrihópur um skipulagsmál ferðast um hálendið
 |
| Þorgils Torfi Jónsson, Sigurbjartur Pálsson og Sigfús Davíðsson, ráðfæra sig um skipulagsmál við Ásgeir Jónsson frá Landmótun ehf. og Valtý Valtýsson úr Friðlandsnefnd. |
Farið var í Friðland að Fjallabaki þriðjudaginn 2. september sl. Ferðin var liður í vinnu við endurskoðun aðalskipulags fyrir sveitarfélagið. Það voru þeir Þorgils Torfi Jónsson og Sigurbjartur Pálsson úr stýrihópnum sem fóru, en Ólafur E. Júlíusson forfallaðist á síðustu stundu og kom Sigfús Davíðsson í hans stað í ferðina. Töluverður fjöldi annarra aðila fór með í ferðina, s.s. fulltrúar úr sveitarstjórn, samgöngunefnd, hálendisnefnd, fjallskilanefnd, Friðlandsnefnd og frá Vegagerðinni. Einnig byggingar- og skipulagsfulltrúi.
Ekki komust allir með í ferðina og er önnur ferð fyrirhuguð síðar með fulltrúum Umvherfisstofnunar, Ferðamálastofu og fleiri aðila sem tengjast skipulagsmálum á hálendinu og landnotkun þar. Það er Landmótun ehf. sem vinnur við endurskoðun aðalskipulags sveitarfélagsins. Skoðaðar voru m.a. aðstæður í Landmannahelli, Landmannalaugum og við Frostastaðaháls. Ennfremur ástand vega og hugmyndir um nýjar veglínur.
Til baka
© 2003 - 2008 Rangárþing ytra - Suðurlandsvegi 1 - 850 Hella - kt. 520602-3050 - Sími 488 7000 Fax 488 7001
