Menning og Mannlíf

• Bókasöfn
• Töðugjöld
• Fréttir
• Tilkynningar
• Veðurklúbburinn
• Vefir
• Eldri borgarar
• Annað

13.9.2009 15:06

Evrópski þróunarbankinn í heimsókn

Frá heimsókn Evrópska þróunarbankans í leikskólann Heklukot á Hellu.

Fulltrúí Evrópska þróunarbankans leit við í heimsókn í Rangárþing ytra á fimmtudaginn var.  Með í för voru fulltrúar Lánasjóðs Sveitarfélaga.  Þeir staðir sem heimsóttir voru í sveitarfélaginu, eru leikskólarnir á Laugalandi og Heklukot á Hellu.  Einnig var Laugalandsskóli heimsóttur og sundlaugin á Hellu.  Það voru viðkomandi stjórnendur sem tóku á móti fulltrúa þróunarbankans og fóru yfir starfssemi stofnana sinna.  Fulltrúi þróunarbankans heimsótti einnig Akureyrarbæ og Sandgerðisbæ í heimsókn sinni til Ísland.  Evrópski þróunarbankinn hefur fjármagnað Lánasjóð sveitarfélaga, sem síðan lánar sveitarfélögum á Íslandi.  Heimsóknin var liður í því að staðreyna að lán hafi verið nýtt til fjárfestinga sem þeim var ætlað.  Fulltrúi þróunarbankans var afar ánægð með móttökurnar sem hún fékk í sveitarfélaginu og eru viðkomandi stjórnendum þakkað fyrir framlag sitt, sérstaklega fjármálastjóra sem bar hitann og þungann af heimsókninni.