Menning og Mannlíf

• Bókasöfn
• Töðugjöld
• Fréttir
• Tilkynningar
• Veðurklúbburinn
• Vefir
• Eldri borgarar
• Annað

5.3.2010 11:33

Sölumenn dauðans, forvarnarfundur

Miðvikudaginn 24.febrúar síðastliðinn var haldinn í Safnaðarheimilinu á Hellu forvarnarfundur í boði foreldrafélaga Hvolsskóla, Grunnskólans á Hellu og Laugalandsskóla.
Yfirskrift fundarins var "Sölumenn dauðans" og hefur það greinilega hreyft við fólki því fullt var út úr dyrum og öll sæti nýtt.
Þrír fyrirlesarar voru með stutt erindi hver og síðan voru pallborðsumræður eftir hlé.
Það voru þeir Stefán Steinsson læknir, Ellert Ingvarsson frá lögreglunni og Jón Þór Kvaran dagskrástjóri og ráðgjafi frá Götusmiðjunni sem fluttu þessi erindi.
Eftir kaffihlé og fínar veitingar frá 10.bekk Grunnskólans á Hellu hófust pallborðsumræðurnar. Þar sátu ásamt fyrirlesurunum þau Halldóra Magnúsdóttir aðstoðarskólastjóri Hvolsskóla, Sigurjón Bjarnason Laugalandsskóla og Sigurgeir Guðmundsson skólastjóri Grunnskólans á Hellu. Líflegar umræður fóru fram og mörgum spurningum var komið á framfæri við pallborðsgestina.
Allir voru þó sammála um að vinna saman að því í samstarfi við lögregluna að tryggja öryggi barna og unglinga í Rangárþingi fyrir sölumönnum dauðans í framtíðinni.
Fundarstjóri fundarins var Jón Pétur Róbertsson íþrótta- og tómstundafulltrúi Rangárþings ytra.